Zerektiktiń bastaýy - pysyqtyqta
Qazaqta «zerek adam», qala berdi «zerek bala» uǵymdary ushyrasady. Munyń túpki maǵynasy qaǵylez, quıma qulaq bolýǵa úndeıdi. Ata-ana perzentiniń ıbaly, ınabatty, ımandy bolyp ósýin qalaıdy. Sol jolda bar ómirden jıǵan-tergen qasıetteriniń urpaǵynyń boıyna sińirýge tyrysady. Osy arqyly zerdeli tulǵa qalyptastyrýdy murat etedi. Degenmen, buǵan jetýdiń soqpaǵy ońaı emes.
Tarqatý. Pálsapalyq oılardy qazaq tiline tárjimalaýshy Myrzageldi Kemel aǵamyzdyń birqatar aýdarmalarynda osyǵan jaýap tabylady. Sonyń biregeıi - «Qabýsnama» kitaby. Sonda Gılán Shah óziniń balasyna bul ǵumyrdan túıgen-bilgenin, kórgenin mysaldap jazyp qaldyrypty. Sonyń ishinde «...Tániń jas bolsa da, oıyń úlkendikindeı bolsyn» degen maǵynadaǵy oı aıtylady. Bylaı qaraǵanda, zerek júrýge, oılaýǵa, qımyl-áreket jasaýǵa meńzeıdi.
Zerektik eptilikke bastaıdy. Búginginiń balasy - zamanananyń naǵyz perzenti. Shetinen zerek, ónerli ári oıyn ashyq aıtady. Eshteńeden qaımyqpaıdy, jasqanbaıdy. Bálkim, zamannyń sharty solaı.
Túıin. Ýaqyt bizdi múlde basqa arnaǵa buryp jatyr. Buryn estimegen, kórmegen nárselerdiń ózi tańsyq emes. Jas pen káriniń aıyrmashylyǵy joq sekildi. Osyny óz dáýirinde Maıqy bı, Móńke bı, Máshhúr Júsiptiń bolashaqqa aıtqan boljamdary iske asyp jatqandaı. Ony qazirgi tirshilikten baıqaımyz. Bárin túıindegende, zamannyń adamy – zerek jan demekpiz.