Qazaqstanda sıfrlyq teńgeni engizý boıynsha pılottyq jobanyń birinshi kezeńi aıaqtaldy
Elimizdiń Ulttyq bankiniń málimetinshe, bul – qolma-qol jáne tólem túrinde esep aıyrysatyn aqshamen qatar júretin úshinshi tólem túri, dep habarlaıdy Almaty-akshamy.kz
Sarapshylar Sıfrlyq teńge dástúrli qarjy ınstıtýttarynyń qatysýynsyz kúrdeli operasıalardy jyldam oryndaýǵa múmkindik beretinin atap ótti. Sonymen qatar olar ınternetke qosylýsyz tólem jasaı alady. Bul – onyń basty erekshelikteriniń biri.
«Sıfrlyq teńge» dep jatqanymyz jańalyq emes. Qazaqstan qazir ártúrli nusqalardy qarastyrýda. Bul – bir-eki jyl buryn bastalǵan tájirıbe. Álemdegi kóptegen ortalyq bank, sonyń ishinde Qytaıdy aıtsaq bolady. Búginde atalmysh el sıfrlyq ıýándy qoldanýda óte belsendi. Bul bastamanyń barlyǵy álem krıptovalútalardyń ne ekenin shynymen tanı bastaǵannan beri qolǵa alyndy. Bizdiń sıfrlyq teńge jaǵdaıynda onyń rezervtik kóshirmesi tolyǵymen Ulttyq bankte bolady. Iaǵnı bul máselege jáne onyń jumys isteýine Ulttyq bank kepildik beredi. Osyǵan baılanysty joǵary senimdilikke ıe. Sıfrlyq teńgeniń ózgelerden eń basty aıyrmashylyǵy krıptovalútalardy jasaıtyn platformaǵa uqsas jańa tehnologıaǵa negizdelgen», - «Tengenomika» telegram-kanalynyń avtory, sarapshy Ǵalymjan Aıtqazın.
Ulttyq banktiń zertteýine sáıkes, sıfrlyq teńgeni paıdalanýshy smartfondaǵy sıfrly ámıanda saqtaýǵa bolady.
«Barlyq sıfrlyq ámıan Qazaqstannyń ortalyq bankinde, ıaǵnı Ulttyq bankte saqtalady. Sonymen qatar barlyq tranzaksıa Ulttyq bankte júzege asyrylady. Iaǵnı bankter ózara aqparat almasa almaıdy. Aqparat tek ortalyq banktiń ishinde júrgiziledi. Bul – bazalyq ereksheliktiń bir túri. Teorıalyq turǵyda, eger qandaı da bir alaıaqtyq tranzaksıalar jasalsa, ony tez zertteýge múmkindik bar», - Qazaqstan qarjygerleri qaýymdastyǵynyń qarjylyq tehnologıalar sektorynyń dırektory Konstantın Pak.
EAEO aýmaǵynda sıfrlyq valútalardy damytýdyń mańyzdylyǵyn Eýrazıalyq damý bankiniń sarapshylary atap ótýde. Olardy júzege asyrý transshekaralyq tólemderdi júzege asyrý shyǵyndaryn azaıtyp, Eýrazıalyq Odaq aımaǵyndaǵy ózara saýdany yntalandyrady.
«Sıfrlyq teńge negizinen barlyq sıfrlyq valútaǵa tán artyqshylyqtardy alady dep aıta alamyz. Komersıalyq bankter ortalyq bank pen klıent arasyndaǵy úrdisten shettetiletindikten, kásiporyndar tólem tranzaksıalaryn júzege asyrýda jyldamyraq bolady, shyǵyndar azaıady, al memleket smart-kelisimshart tehnologıasynyń arqasynda búdjet shyǵystarynyń baǵytyn baqylaı alady», - Eýrazıalyq damý banki ıntegrasıalyq zertteý ortalyǵynyń basshysy Anton Malahov.
Sonymen qatar sarapshylar bul tólem quralynyń yqtımal táýekelderi týraly umytpaý kerek ekenin atap ótti. Ulttyq bank sıfrlyq teńgeniń aqsha-nesıe saıasatyna qalaı áser etetinin zerttep jatyr. Ony júzege asyrý týraly túpkilikti sheshim 2022 jyldyń sońynda jan-jaqty zerttelgennen keıin qabyldanady.