Qor syrqat sábılerge qajetti zattar satyp alyp berdi.
QMDB «Zeket jáne qaıyrymdylyq» korporatıvtik qory Nur-Sultan qalasyndaǵy «Ana men bala» ulttyq-ǵylymı medısına ortalyǵynda qaıyrymdylyq sharasyn ótkizdi, dep habarlaıdy Almaty-akshamy.kz QMDB baspasóz qyzmetine silteme jasap.
Qasıetti Ramazan aıy qarsańynda ortalyqqa 5 múgedekter arbasy, 10 dana baldaq, 4 alǵashqy medısınalyq qobdısha men 3 dana lampa, sondaı-aq taǵy da basqa medısınalyq qural-jabdyqtar tabystaldy.
«Jomarttyq pen janashyrlyqtyń kórkem úlgisine kýá bolatyn múbárak aıǵa da kelip jettik. Berekeli aı qarsańynda analar men balalardy qoldaý maqsatynda osy qaıyrymdylyq sharasyn ótkizip otyrmyz. Igi iske atsalysqan, demeýshilik jasaǵan azamattarǵa Alla Taǵala razy bolyp, nıetterin qabyl etsin. Aq halatty abzal jandardyń qyzmetine jeńildik, bereke tileımin», - dedi «Zeket jáne qaıyrymdylyq» qorynyń dırektory Qanat Qydyrmın.