Erigen qar aǵynynyń saldarynan ózenderdegi sý deńgeıiniń kóterilýi múmkin.
Nur-Sultan jáne elimizdiń taǵy segiz oblysynda aýa raıyna baılanysty eskertý jarıalandy, dep habarlaıdy Almaty-akshamy.kz «Qazgıdromet» RMK-ǵa silteme jasap.
2 sáýirde túnde jáne tańerteń Nur-Sultanda tuman túsip, jolda kóktaıǵaq bolady.
Aqmola oblysynyń ońtústik-batysynda, shyǵysynda tuman túsedi. Túnde jáne tańerteń oblystyń soltústiginde kóktaıǵaq bolady. Oblystyń soltústiginde, batysynda ońtústik-batystan jel soǵady, ekpini 15-20 m/s jetedi.
2 sáýirde Soltústik Qazaqstan oblysynyń soltústiginde kóktaıǵaq bolady. Oblystyń batysynda tuman túsedi. Ońtústik-batystan soqqan jeldiń ekpini 15-20 m/s jetedi.
2 sáýirde Batys Qazaqstan oblysynda ońtústikten, ońtústik-batystan, soltústik-batystan jel soǵady, ekpini 15-20 m/s jetedi.
2 sáýirde Almaty oblysynda ońtústik-shyǵystan jel soǵady, Alakól aýdanynda - 17-22 m/s.
2 sáýirde Aqtóbe oblysynyń ońtústik-shyǵysynda tuman túsedi. Ońtústik, ońtústik-batystan jel soǵady, kúndiz soltústik-batysta, ońtústikte ekpini 16 m/s jetedi.
2 sáýirde Qostanaı oblysynyń soltústiginde tuman túsip, kóktaıǵaq bolady. Ońtústik-batystan jel soǵady, oblystyń soltústiginde jyldamdyǵy 15-20 m/s jetedi.
Qostanaıda 2 sáýirde ońtústik-batystan jel soǵady, kúndiz ekpini 15-20 m/s jetedi.
Kúndiz 2 sáýirde batysta, ońtústikte jáne Mańǵystaý oblysynyń ortalyǵynda shańdy daýyl boljanady. Ońtústik-shyǵystan jel soǵady, oblystyń batysy men ońtústiginde jáne ortalyǵynda ekpini 15-20 m/s jetedi. Aqtaýda 2 sáýir kúni kúndiz shańdy daýyl turady.
Sondaı-aq, sınoptıkterdiń boljamynsha, 2022 jyldyń 2-6 sáýir aralyǵynda Batys Qazaqstan, Aqtóbe, Qostanaı, Qaraǵandy jáne Soltústik Qazaqstan oblystarynyń ózen baseınderinde oń aýa temperatýrasynyń saqtalýy men odan ári artýynyń boljamyna baılanysty qarqyndy qar erýi, erigen qar aǵynynyń saldarynan ózenderdegi sý deńgeıiniń kóterilýi múmkin.