Áleýmettik jelide tarıfterdiń ósýine baılanysty zeınetkerlerge materıaldyq kómek kórsetiledi degen aqparat tarady.
Eńbek jáne halyqty áleýmettik qorǵaý mınıstrligi jelide taraǵan aqparattyń jalǵan ekenin málimdedi, dep habarlaıdy Almaty-akshamy.kz
"Messendjerler men áleýmettik jelilerde tarap jatqan, úkimet qaýlysymen barlyq zeınetkerge komýnaldyq qyzmet baǵasynyń ósýine baılanysty materıaldyq kómek kórsetiledi degen aqparat shyndyqqa janaspaıdy. Sebebi úkimet tarapynan dotasıalyq qarjylyq kómek kórsetý týraly qaýly qabyldanǵan joq. Sondyqtan bul aqparat jalǵan", - delingen habarlamada.
Degenmen vedomstvo "Turǵyn úı qatynastary týraly" zań aıasynda ákimdikter jergilikti búdjetten turmysy tómen otbasylarǵa (azamattarǵa) jeke turǵyn úıdi ustaýǵa ketken shyǵyndar arasyndaǵy aıyrmashylyqty óteýge jáne osy maqsattarǵa arnalǵan shyǵystardyń shekti deńgeıinde turǵyn úı kómegin kórsetetinin atap ótti.
Turǵyn úı kómegin alýǵa qujattardy egov.kz portaly nemese halyqqa qyzmet kórsetý ortalyǵy arqyly berýge bolady.