Almatynyń óńdeý ónerkásibi 20% ósim kórsetti
Bul týraly ÓKQ brıfıńinde Almaty qalasy kásipkerlik jáne ınvestısıalar basqarmasynyń basshysy Berik Soltanbaev aıtty. Bıylǵy alǵashqy 6 aıda óńdeý ónerkásibi salasynda óndirilgen ónimniń jalpy quny 979,4 mlrd teńge boldy, bul aldyńǵy kórsetkishtiń besten bir bóligine kóp.
«Onyń [óńdeý ónerkásibi salasy] ósimi ındýstrıalyq aımaqtyń keńeıýimen, arnaıy ekonomıkalyq aımaqtyń damýymen jáne jańa ónerkásiptik parkterdiń qurylýymen tikeleı baılanysty», - dedi Berik Soltanbaev.
Kásipkerlik jáne ınvestısıalar basqarmasynyń basshysy qazirgi ýaqytta Almatynyń ındýstrıalyq aımaǵyn damytýǵa basymdyq berilgenin de aıtty. Onyń aýmaǵynda qazirdiń ózinde 10 myńnan astam jumys ornyn ashqan 381,4 mlrd teńgege teń 87 joba iske asyrylýda.