«Onlaın qońyraý shalý» servısi arqyly keńes alý múmkindigi bar.
BJZQ zeınetkerler zeınetaqy jınaqtarynyń 50 paıyzyn alýǵa bolatyny týraly aqparattyń taralýyna qatysty túsinikteme berdi, dep habarlaıdy Almaty-akshamy.kz
«BJZQ» AQ qoǵammen baılanys bólimi taraǵan aqparattyń shyndyqqa janaspaıtynyn málimdedi.
«Qazaqstan Respýblıkasynyń zańnamasynda zeınetkerlerdiń turǵyn úı jaǵdaılaryn jaqsartý jáne (nemese) emdelýge aqy tóleý maqsatynda mindetti zeınetaqy jarnalary (budan ári – MZJ) jáne (nemese) mindetti kásiptik zeınetaqy jarnalary (budan ári – MKZJ) esebinen qalyptastyrylǵan zeınetaqy jınaqtaryn paıdalanýy:
- eger zeınetaqy mólsheri alýshynyń ortasha aılyq tabysyn Qazaqstan Respýblıkasynyń Úkimeti aıqyndaǵan tártippen belgilengen 40 paıyzdan tómen emes deńgeıde almastyrý koefısıentin qamtamasyz etse, kózdelgen», - delingen habarlamada.
Bul rette birjolǵy zeınetaqy tólemi ýákiletti operatordan alǵashqy elektrondyq habarlamany alǵan kúni salymshynyń (alýshynyń) MZJ jáne (nemese) MKZJ esebinen zeınetaqy jınaqtary mólsheriniń 50 paıyzynan aspaýǵa tıis.
«Osyǵan baılanysty BJZQ áleýmettik jelilerde jáne basqa da kózderde taratylyp júrgen, jınaqtardyń 50 paıyz alý múmkindigi týraly «jalǵan» habarlamalardy elemeýge keńes beredi! Onyń ústine, BJZQ barlyq operasıalardy tegin júrgizedi», - dep tolyqtyrdy.
Qordyń servısteri týraly barlyq aqparat BJZQ saıtynda ornalastyrylǵan, barlyq qyzmetter Qor bólimshelerinde ne enpf.kz saıty nemese BJZQ/ENPF uıaly qosymshasy arqyly onlaın-formatta kórsetiledi.
BJZQ bólimshelerinen nemese qashyqtyqtan, atap aıtsaq, kóp arnaly tegin baılanys arqyly, baılanys ortalyǵynyń 1418 nómirine qońyraý shalý, sondaı-aq «Synyptastar», Telegram, «Facebook», «Kontaktide», «Twitter» jáne «Instagram» sıaqty tanymal platformalardaǵy áleýmettik jelilerdegi resmı paraqshalar arqyly, +7 777 000 1418 nómiri boıynsha WhatsArp kómegimen kez kelgen aqyl-keńesti alýǵa bolady.
Qazaqstan Respýblıkasynan tys jerlerdegi salymshylar (alýshylar) úshin +7 (727) 356-10-60 nómiri boıynsha nemese Qordyń korporatıvtik saıtynda ornalastyrylǵan «Onlaın qońyraý shalý» servısi arqyly keńes alý múmkindigi bar.