Mundaı derekter World population Review statısıkalyq uıymynyń zertteýinde keltirilgen.
Portalda jańaryp otyratyn málimetterge súıensek, atalǵan eki elde álemdegi eń kóp halyq shoǵyrlanǵan, dep habarlaıdy Almaty-akshamy.kz.
Máselen, qazir Úndistan halqynyń sany 1 422 699 743 adamdy quraıdy, al Qytaıda — 1 425 831 143 adam. Zertteýde atap ótilgendeı, halyq sanynyń ósýi turǵysynan Úndistan osy jyldyń ózinde-aq QHR-dan asyp túsken. Sonymen qatar oǵan halyq eń kóp shoǵyrlanǵan el ataǵy berildi. Onyń azamattarynyń sany kem degende 2050 jylǵa deıin óse beredi degen boljam bar.
17 qańtarda Qytaı halqynyń ótken jyly 850 myń adamǵa azaıǵany habarlanǵan bolatyn. Naqtyraq aıtqanda, bul eldiń turǵyndarynyń sany 1,411 mlrd-qa deıin tómendegen.
Qazir QHR eleýli demografıalyq problemalarǵa tap bolyp otyr. Eldegi 100 áıelge 105 er adamnan keledi. 1970 jyldardyń sońynda engizilgen «bir otbasy — bir bala» saıasatynyń aıaǵy osyndaı máselelerge ákelip soqty.