Astanadaǵy Perızat Qaırattyń isine qatysty sotta kóktemgi sý tasqyny kezinde qaıyrymdylyq kómekke qatysty epızod boıynsha kýágerler men jábirlenýshilerden jaýap alý jalǵasyp jatyr, - dep habarlaıdy Aqshamnews.kz.
2024 jylǵy sáýirde zeınetker Amına Aımaǵambetova bank qosymshasy arqyly Perızat Qaırat basqaratyn "BizBirgemiz Qazaqstan 2030" qoǵamdyq uıymyna 1 mıllıon teńge aýdarǵan.
"Jarnama óte kóp boldy. Biraq nege ekeni belgisiz, dál sol BizBirgemiz ataýy bizge senimdi kórindi. Aqsha dittegen jerine jetedi dep oıladyq, sondyqtan aýdardym. Zeınetkerler úshin bul az aqsha emes", - dedi áıel.
Onyń aıtýynsha, ol Perızat Qaıratpen de, onyń anasymen de buryn-sońdy tanys bolmaǵan.
Perızat Qaırat isi
Perızat Qaırat - Qazaqstanda belgili qoǵam qaıratkeri ári kásipker. Ol 2021 jylǵy maýsymda qurylǵan qaıyrymdylyq qorynyń negizin qalaýshy ári basshysy bolǵan.
2024 jylǵy qarashada Perızat Qaırat 1,5 mıllıard teńgeden astam qarajatty jymqyrdy degen kúdikpen qamaýǵa alynǵan. Tergeý derekterine súıensek, bul qarajattyń bir bóligi jyljymaıtyn múlik, qymbat kólikter men sheteldik saparlarǵa jeke qajettilik úshin jumsalǵan.
Sondaı-aq, Perızat Qaırat qor qarjysyn qolma-qol aqshaǵa aınaldyrý úshin dostary men týystaryn tartty degen de boljam bar. Olar kórsetken "qyzmeti" úshin syıaqy alyp otyrǵan kórinedi.