Almatyda 1983 jyly salynǵan qubyrdy aýystyrýǵa baılanysty Aqan Seri kóshesiniń bir bóliginde kólik qozǵalysy ýaqytsha shekteledi, - dep habarlaıdy Aqshamnews.kz.
Aldaǵy jylytý maýsymyna daıyndyq aıasynda Almatynyń Túrksib aýdanynda jylý jelilerin josparly túrde qaıta jańǵyrtý jumystary júrgizilýde. Jumys barysynda jalpy uzyndyǵy 3,5 shaqyrym bolatyn 1983 jyly paıdalanýǵa berilgen jylý jelileri aýystyrylady.
Osyǵan baılanysty 2025 jyly 18 shilde kúni saǵat 23:00-den bastap 21 shilde kúni saǵat 06:00-ge deıin Aqan Seri kóshesiniń Kotelnıkov kóshesinen Seıfýllın dańǵylyna deıingi bóligi avtokólik qozǵalysy úshin ýaqytsha jabylady.
Shekteýler jol bóligindegi qubyrlardy josparly túrde qaıta jańǵyrtý jumystarynyń qaýipsizdigin qamtamasyz etý maqsatynda engiziledi. Qaıta jańǵyrtý jumystary júrgizilgen kezeńde tutynýshylarǵa ystyq sý úzdiksiz jetkiziledi.
Atalǵan jylý jelisi 90 kópqabatty turǵyn úıdi, 5 jeke turǵyn úıdi, bir mektepti jáne bir qosymsha nysandy jylý energıasymen jáne ystyq sýmen qamtamasyz etedi.
Jalpy, bıyl qala boıynsha 39 shaqyrym jylý jelisin qaıta jańǵyrtý josparlanǵan. Bul jelilerdiń tozý deńgeıin 54%-ǵa deıin tómendetýge múmkindik beredi.
Eske salamyz, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq, «2GIS» jáne «Iandeks kartalar» servısterinde jazylǵan.
Ýaqytsha qolaısyzdyqqa túsinistikpen qaraýlaryńyzdy suraımyz.