Jasyna baılanysty zeınetaqyny qalaı rásimdeýge bolady? Almaty qalasy «Azamattarǵa arnalǵan úkimet» memlekettik korporasıasy fılıalynyń ókilderi Óńirlik komýnıkasıalar qyzmetiniń brıfıńinde zeınetaqyny qalaı durys rásimdeý kerektigin, bul úshin qandaı qujattar qajettigin tıanaqty túsindirdi.
«Zeınetke shyǵýǵa aldyn ala daıyndalý qajet. HQKO-na qujattardyń túpnusqasyn usyný, zeınetaqy aýdarymynyń bar-joǵyn tekserý, tıimdi nusqany esepteý qajet. Qujattardy týǵan kúninen 10 kún buryn tapsyrý kerek», – dedi zańdy jáne jeke tulǵalarmen jumys isteý, elektrondyq is maketterin baqylaý basqarmasynyń basshysy Naıla Muhametqalıeva.
Turǵylyqty jeri boıynsha HQKO fılıaldaryna júgingen kezde ózimen birge mynadaı qujattar:
– jeke basyn kýálandyratyn qujat;
– eńbek kitapshasy (nemese muraǵat mekemeleriniń anyqtamalary);
– bilimi týraly qujat;
– áskerı bılet nemese qorǵanys isteri jónindegi basqarmanyń (bólimniń) anyqtamasy;
– neke týraly kýálik (tegi ózgergen kezde);
– balalardyń týý týraly kýálikteri (týý týraly aktilik jazbadan úzindi nemese azamattyq hal aktilerin tirkeý organdary bergen azamattyq hal aktilerin tirkeý týraly anyqtama) bolýy qajet.
Eger qandaı da bir qujat bolmasa, mysaly, eńbek kitapshasy bolsa, uıymnan muraǵat anyqtamasyn usynýǵa bolady. Basqa jaǵdaıda sotqa júginip, sýdıanyń sheshimin usyný qajet. Spıker jasyna baılanysty zeınetaqy tólemderin taǵaıyndaý 2001 jylǵy 1 shildeden bastap 63 jasqa tolǵan er adamdarǵa, 58 jasqa tolǵan áıelderge júrgiziletinin eske saldy.
Zeınetaqy tólemderi áıelderge jasy boıynsha:
2018 jylǵy 1 qańtardan bastap – 58,5 jasqa tolǵanda;
2019 jylǵy 1 qańtardan bastap – 59 jasqa tolǵanda;
2020 jylǵy 1 qańtardan bastap – 59,5 jasqa tolǵanda;
2021 jylǵy 1 qańtardan bastap – 60 jasqa tolǵanda;
2022 jylǵy 1 qańtardan bastap – 60,5 jasqa tolǵanda;
2023 jylǵy 1 qańtardan bastap – 61 jasqa tolǵanda;
2028 jylǵy 1 qańtardan bastap – 61,5 jasqa tolǵanda;
2029 jylǵy 1 qańtardan bastap – 62 jasqa tolǵanda;
2030 jylǵy 1 qańtardan bastap – 62,5 jasqa tolǵanda;
2031 jylǵy 1 qańtardan bastap – 63 jasqa tolǵanda taǵaıyndalady.
Jasyna baılanysty zeınetaqy tólemin taǵaıyndaý úshin eńbek ótilin esepteý kezinde:
1) jeke jáne zańdy tulǵalar tóleıtin eńbek sharttary boıynsha jumys;
2) áskerı qyzmet;
3) arnaýly memlekettik jáne quqyq qorǵaý organdaryndaǵy qyzmet, memlekettik feldegerlik qyzmet;
4) Memlekettik qyzmet;
5) Kásipkerlik jáne tabys ákeletin ózge de qyzmet;
6) İ toptaǵy múgedektigi bar adamǵa, İİ toptaǵy múgedektigi bar jalǵyzbasty adamǵa jáne jasy boıynsha syrttan kómekke muqtaj zeınetkerge, sondaı-aq seksen jasqa tolǵan qarttarǵa kútim jasaý ýaqyty;
7) 18 jasqa deıingi múgedektigi bar balany kútý ýaqyty eskeriledi.
Spıker málimetinshe, jyl bastalǵaly beri jeti aıdyń ishinde jasyna baılanysty zeınetaqy tólemi boıynsha 4280 ótinim berilgen. Memlekettik bazalyq zeınetaqy tólemi boıynsha 4871 jáne portal arqyly ótinim bergender – 18, Halyqqa qyzmet kórsetý ortalyǵy boıynsha 4853 ótinim berilgen.
Elektrli samokatpen júrýdiń erejesi eskertildi
Endi zańdy túrde elektrli samokat kóligimen velosıped jolymen, avtojoldyń júrý bóliginiń oń jaq shetki jolaǵymen, sondaı-aq trotýarmen júrýge bolady, – dep habarlady Almaty qalasy polısıa departamentiniń resmı ókili Saltanat Ázirbek ÓKQ brıfıńinde.
«Engizilgen ózgeristerge sáıkes, elektrli samokat júrgizýshileri velosıped jolymen júredi. Sol tárizdi, zańmen engiziletin shart pen tyıymdy saqtaı kele, jol júrý bóliginiń oń jaq shetimen elektrli samokattardyń júrýine jol ashyq», – dep atap ótti spıker.
Sonymen qatar, elektrli samokattardyń júrgizýshisi keminde 18 jasta bolýy kerek, ol bekitilgen dýlyǵa men shaǵylystyratyn kıim kıýi kerek, sondaı-aq kez kelgen sanattaǵy júrgizýshi kýáligi bolýy qajet. Jol qozǵalysy salasyndaǵy zańnamaǵa engizilgen jańa ózgeriske sáıkes, moped, elektrli samokat, velo sıped júrgizýshilerine mynadaı jaǵdaıda:
– róldi bir qolmen bolsa da, ustamaı júrgizýge:
– bir baǵyttaǵy qozǵalysta bir jolaqtan solǵa burylýǵa ne keri burylýǵa;
– moped pen velosıpedke arnalǵan tirkemeni súıreýden ózge, mopedti, elektrli samokat pen velosıpedti súıreýge;
– kólik quralyn júrgizip kele jatyp, jaıaý júrginshi ótkelinde joldyń júrý bóligin kesip ótýge;
– basqa kólik quraldarynyń júrgizýshilerine kórinýdi qamtamasyz etetin, jol júrý erejesinde belgilengen talapqa saı, shaǵylysatyn zatsyz joldyń júrý bóliginde túnde júrýge;
– joldyń júrý bóliginde bekitilgen dýlyǵasyz júrýge tyıym salynady.
Ózgeriske sáıkes, elektrli samokat júrgizýshileri velosıped jolymen qozǵalady. Ol