Múgedektigi bar, júrip-turýy qıyn adamdardy, sondaı-aq nashar kóretin azamattardy súıemeldeıtin jeke kómekshiler Skills Enbek platformasynda onlaın oqı alady..
Kýrstyń maqsaty - múgedektigi bar adamdardyń qajettilikterine beıimdelgen, aýrýlardy jáne jeke qajettilikterdi eskere otyryp, súıemeldeýdi qajet etetin bilim men daǵdylardy ıgerý.
Kásiptik kýrstar múgedektigi bar adamdardyń jeke kómekshisi bolǵysy keletin nemese múgedektigi nemese sozylmaly aýrýy bar otbasy múshesimen birge júretin kez kelgen adamǵa arnalǵan.
Oqý úshin Skills Enbek platformasynda tirkelý qajet. Bir kýrstyń uzaqtyǵy 32 saǵatty quraıdy. Qatysýshy kýrsty jeke-jeke derbes ıgerýmen aınalysady.
Memlekettik jáne orys tilderinde oqýdan ótý tolyǵymen tegin.
Oqytý kelesi kezeńderden turady:
- birneshe modýlder boıynsha onlaın oqytý kýrsy;
- qorytyndy testileý;
- oqýdan ótkeni týraly sertıfıkat alý.
Árbir oqý kýrsy dáris materıalyn zerdeleýdi, beınerolıkterdi qaraýdy, praktıkalyq tapsyrmalardy oryndaýdy qamtıdy.
Ár modýl aıaqtalǵannan keıin aralyq testileý júrgiziledi. Kelesi oqý modýline ótý úshin qatysýshy durys jaýaptardyń kem degende 70% jınaýy kerek.
Aralyq testileýdi tapsyrý shektelmeıdi.
Kýrsty sátti aıaqtaý úshin jeke kómekshiler qorytyndy testileýde durys jaýaptardyń 70%-dan astamyn jınaýy kerek.
Eger testileýden qajetti kórsetkishti jınaı almasa, qatysýshy testileýdi qaıta tapsyra alady.
Oqý aıaqtalǵannan keıin árbir qatysýshy óziniń kásibı daǵdylaryn rastaıtyn biregeı nómiri bar elektrondyq sertıfıkat alady.
Búgingi tańda kýrstan ótý úshin 296 adam tirkeldi, onyń 188-i oqýdy sátti aıaqtap, sertıfıkat aldy.