Tórt aı ishinde jumys berýshiler 1,7 mln tólem aýdarǵan , dep habarlaıdy Almaty-akshamy.kz
2024 jyldyń tórt aıynda Qazaqstanda jumys berýshiler tóleıtin mindetti zeınetaqy jarnasynyń kólemi 59 mlrd teńge bolǵan.
«Azamattarǵa arnalǵan úkimettiń» habarlaýynsha, jumys berýshiniń mindetti zeınetaqy jarnalary 1975 jyldyń 1 qańtarynan keıin týǵan ár qyzmetker úshin tabysynyń 1,5% mólsherinde tólenedi.
Jarna aldymen «Azamattarǵa arnalǵan úkimettiń» shotyna túsedi, sodan keıin, úsh jumys kúnniń ishinde Biryńǵaı jınaqtaýshy zeınetaqy qoryndaǵy shartty zeınetaqy shotyna aýdarylady.
«Bul jarnanyń ádettegi on paıyzdyq zeınetaqy jarnalarynan aıyrmashylyǵy - bul soma qyzmetkerdiń menshigi bolyp eseptelmeıdi, kapıtaldandyrylmaıdy jáne muraǵa qalmaıdy», - dep habarlady «Azamattarǵa arnalǵan úkimettiń» baspasóz qyzmeti.
Jańa jarna boıynsha birjolǵy tólem somasy eń tómengi kúnkóris deńgeıiniń 2 mólsherinen aspaýy tıis.