Sondaı-aq, balalarǵa beriletin járdemaqynyń kólemi aılyq eseptik kórsetkishiniń negizinde kóbeıedi
Bıyl zeınetaqy men keıbir járdemaqy túrleriniń mólsheri 4 paıyzǵa ósedi. Bul jóninde Óńirlik komýnıkasıalar qyzmetinde ótken brıfıńte eńbek, áleýmettik qorǵaý jáne kóshi-qon komıtetiniń oblys boıynsha departamentiniń basshysy Ertileý Jalǵasbaev málimdedi, dep habarlaıdy Almaty-akshamy.kz.
Al bazalyq zeınetaqylar men járdemaqy mólsheri aılyq eseptik kórsetkish negizinde kóbeıedi. Jalpy oblysta 243 myńǵa jýyq adamǵa zeınetaqy men járdemaqy túrleri beriledi.
«QR Zańymen «2022-2024 jyldarǵa arnalǵan respýblıkalyq búdjet týraly» zańǵa ózgerister men tolyqtyrýlar engizildi. Sáıkesinshe, osyǵan deıin taǵaıyndalǵan jasyna baılanysty zeınetaqy tólemderi 4 paıyzǵa ındeksteldi. Múgedektigi bar jáne asyraýshysynan aıyrylýyna baılanysty beriletin áleýmettik járdemaqy eń tómengi kúnkóris deńgeıiniń ulǵaıýyna baılanysty artady. Sondaı-aq, balalarǵa beriletin járdemaqynyń kólemi aılyq eseptik kórsetkishiniń negizinde kóbeıedi. Osyǵan sáıkes, sáýir jáne mamyr aılaryndaǵy járdemaqy tolyqtaı eseptelip maýsym aıynan bastap tólenedi. Al shildeden bastap 1 aıǵa kóbeıtilgen mólsherde beriletin bolady», - dedi Ertileý Jalǵasbaev.