Zeınetaqy jınaqtaryn paıdalanýdyń shekti mólsherin qaıta qaraý kerek.
Májilis depýtaty Amanjan Jamalov Premer-Mınıstr men Qarjy naryǵyn retteý jáne damytý agenttiginiń tóraǵasyna osyndaı usynys aıtty, dep habarlaıdy Almaty-akshamy.kz.
Biryńǵaı jınaqtyq zeınetaqy qoryn synǵa alǵan halyq qalaýlysy zeınetaqy aktıvterin basqarýǵa tartylǵan tórt qarjylyq uıymdy brokerlik kompanıalar dep atady. Oǵan sebep te joq emes. Óıtkeni olarǵa senimgerlik basqarý úshin 9 mıllıard teńge berilgen. Al bul soma barlyq zeınetaqy jınaqtyqtarynyń 1 paıyzyna da jetpeıdi. Sheneýnik: "Mundaı kórsetkishpen Prezıdent tapsyrmasy oryndaldy dep aıtýdyń ózi uıat", - deıdi. Jaýapty mekemelerge zeınetaqy aktıvterin basqarý naryǵyndaǵy monopolıamen kúresý múmkindigin qarastyrýdy surady.
«2020 jyly Memleket basshysy azamattardan ártúrli maqsattarǵa, sonyń ishinde turǵyn úı jaǵdaıyn jaqsartýǵa jáne emdelýge aqy tóleýge arnalǵan zeınetaqy jınaqtaryn ishinara alý týraly sheshim qabyldady. Al jetkiliktilik shegin kótergennen keıin is júzinde álemde teńdesi joq bul bastama aıaqsyz qaldy. Zeınetaqy jınaqtaryn paıdalanýdyń sáıkestigi boıynsha shekti mánderdi tómendetý máselesin Úkimet qaıta qaraýy qajet dep oılaımyn. Sondaı-aq jeke zeınetaqy qorlaryn tartý kezinde osy tájirıbeni eskerip, salymshylardy yntalandyrýdyń jańa paketin ázirleý qajet», - deıdi QR Parlamenti Májilisiniń depýtaty Amanjan Jamalov.