Qazaqstandyq tenısshi Zarına Dıas Ispanıanyń Taýste qalasynda ótken ITF W35 sanatyndaǵy týrnırde top jaryp, kezekti ret chempıon atandy, dep habarlaıdy Aqshamnews.kz tilshisi.
Fınaldyq kezdesýde Dıas ıtalıalyq Dıletta Cherýbınımen (WTA reıtıńi – 446) sheberlik baıqasty. Qarsylasyn 6:1, 6:7 (4:7), 6:1 esebimen jeńip shyqqan Zarına machty 2 saǵat 1 mınýtta aıaqtady.
Bul – onyń ITF týrnırlerindegi 12-shi chempıondyq tıtýly. Buǵan deıin Zarına WTA 250 deńgeıindegi týrnırde de jeńimpaz atanǵan bolatyn.
"Bul jeńis Zarınanyń halyqaralyq arenalarda qaıtadan senimdi oıyn kórsetip kele jatqanyn dáleldeıdi. Onyń tájirıbesi men kásibı sheberligi jas sportshylarǵa úlgi", – delingen Qazaqstan tenıs federasıasynyń málimdemesinde.