Almatydaǵy QR Memlekettik ortalyq mýzeıinde «Qazaq halyq fólklory: qazaq ertegiler áleminde» jobasy aıasynda qalamyzdaǵy «Kókil» kolej-mektebiniń 1-synyp oqýshylaryna «mýzeılik sabaq» ótti.
– Balanyń sózdik qoryn arttyryp, qıalyn ushtap, darynyn damytýda qazaq ertegileriniń paıdasy zor. Sondyqtan dáris bastalmas buryn oqýshylarǵa erteginiń tárbıelik máni týraly aıtyldy. Ary qaraı sabaq «Aı men juldyz» ertegisimen jalǵasty. Oqýshylar ertegini erekshe yqylaspen tyńdady. Dáris sońynda keıipkerlerge minezdeme berip, ár oqýshy ertegi tyńdaý barysynda qandaı oı túıgenin ortaǵa saldy, – deıdi Nurjanat Altynbekova.
