Atyraýlyq polıseıler 300 kelige jýyq bekireni zańsyz saýdalamaq bolǵan kúdiktini ustady, – der habarlaıdy almaty-akshamy.kz Polisia.kz. silteme jasap.
8 qarasha kúni Atyraý oblysy polısıa departamenti balyq qorlaryna qylmystyq qol suǵýshylyqqa qarsy kúres bólimi jáne uıymdasqan qylmysqa qarsy kúres basqarmasynyń qyzmetkerleri respýblıka kóleminde ótkizilip jatqan “Brakoner” jedel-izdestirý is-sharasy barysynda bekire tuqymdas balyqtaryn zańsyz satyp-alý, satý, tasymaldap júrgen 26 jastaǵy qala turǵynyn anyqtaǵan. Kúdiktiniń turǵylyqty meken-jaıyna tintý júrgizý kezinde jalpy salmaǵy 282,5 keli quraıtyn 76 bekire tuqymdas balyqtary tárkilendi.
Atalǵan derek boıynsha QR QK-niń 339-baby 1-bóligimen (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha sotqa deıingi tergep-tekserý bastaldy.
Ózge aqparat QPK-niń 201-babyna sáıkes jarıalanýǵa jatpaıdy. Qazaqstan Respýblıkasy Konstıtýsıasynyń 77-baby 3-tarmaǵynyń 1-tarmaqshasy, QPK-niń 19-baby 1-bóligine sáıkes adamnyń kináli ekendigi zańdy kúshine engen sot úkimimen tanylǵansha ol jasalǵan qylmysqa kináli emes dep esepteledi.