Almaty ákimi Medeý aýdany turǵyndarymen kezdesti.
Kezdesýde aýdannyń jergilikti turǵyndary qala basshysyna ózderin tolǵandyrǵan suraqtaryn qoıdy, dep habarlaıdy Almaty-akshamy.kz.
Turǵyndardyń biri:
«Kamenskoe plato sý boıynsha TJ aımaǵy dep jarıalanǵan. Biraq qurylys júrgizýshiler soǵan qaramastan tik betkeılerde káriz qazyp, bul zańsyz, shyn máninde tek septıkke ruqsat bar. Sizden salynyp jatqan barlyq nysandardy tekserip, komısıa qurýyńyzdy suraımyn – olardyń sýǵa qalaı qosylǵanyn jáne kárizge soǵylǵanyn anyqtańyz», - degen ótinish jasady.
Oǵan Almaty ákimi Erbolat Dosaev:
«Bul másele boıynsha jumys komısıa kelgenge deıin júrgizilip jatqanyn aıtqym keledi. Ózderińiz bilesizder, men kelgen sátten bastap eshqandaı ruqsat bergen joqpyn, óıtkeni men búkil Kamenskoe platony sýmen qamtamasyz etý máselelerin bilemin. Ókinishke oraı, bizde satylǵan páterler bar, olar aldyn-ala tólengen. Ruqsattardy "Almaty sýdyń" aýdandyq basqarmalary bergen. Biz ruqsatty kim bergenin, adamdardy qalaı aqsha alǵandaryn bilemiz. Eń bastysy, biz barlyq máselelerdi zerdeledik. Qajet bolsa, aýdan ákimi "Almaty sýmen" birlesip, nysandar boıynsha kimniń qaı ýaqytta alǵanyn kórsetedi. Antıkor qalada berilgen tehnıkalyq sharttar boıynsha tekserý júrgizdi. Juma kúni materıaldardy bizge jiberedi dep úmittenemiz. Olar boıynsha "Almaty Sý" taǵy pysyqtaıdy. Eger siz óz derekterińizdi qaldyrsańyz, aýdan ákimi shilde aıynyń ortasyna deıin barlyq múddeli adamdarmen kezdesý ótkizedi», - dep jaýap berdi.