Memleket basshysy Q. Toqaevtyń Joldaýyn iske asyrý aıasynda 2022 jyldyń basynan bastap ıgerilmeı jatqan nemese zańsyz berilgen 7,8 mln ga aýylsharýashylyǵy jerleri memleketke qaıtaryldy, dep habarlaıdy Almaty-akshamy.kz QR Úkimetinń baspasóz qyzmetine silteme jasap.
Máselen, Qaraǵandy oblysynda 1,5 mln ga aýylsharýashylyǵy jerleri memleket menshigine qaıtaryldy.
Qostanaı oblysynda – 738 myń ga,
Aqtóbe oblysynda – 745 myń ga,
Túrkistan oblysynda – 631 myń ga,
Pavlodar oblysynda – 532 myń ga.
Respýblıka boıynsha jerdi paıdalanýshylarǵa qatysty 5,5 mln ga alańdy qamtıtyn 2 410 jospardan tys tekserý tirkeldi. Tekserý nátıjeleri boıynsha 3,1 mln ga alańda jer zańnamasyn buzýshylyqtardy joıý týraly 1 597 uıǵarym shyǵaryldy, 240,9 myń ga alań boıynsha 246 materıal sot qaraýynda.
Tıisti sharalar qabyldanǵannan keıin jerdi paıdalanýshylar 2,7 mln ga alqaptaǵy óz jerlerin ıgerýge kiristi.
Sonymen qatar, qabyldanǵan sheshimderdiń zańdylyǵyna qatysty jergilikti atqarýshy organdardyń qyzmetine júrgizilgen jospardan tys tekserýlerdiń qorytyndysy boıynsha aýmaǵy 526,3 myń ga aýylsharýashylyǵy jerlerin berý týraly jergilikti atqarý organdardyń 515 zańsyz sheshimi anyqtalyp, onyń ishinde 135 sheshimniń kúshi joıyldy, qalǵan 380 sheshimniń kúshin joıý boıynsha jumystar júrgizilýde.