Ústeme aqy alý zańsyz
Kafe, restoran, qoǵamdyq tamaqtaný oryndarynda qyzmeti úshin ústeme aqy alýy zańdy ma?
Sabına Ahmetova, zańger:
- Kafe, restoran, qoǵamdyq tamaqtaný oryndarynda qyzmeti úshin paıyzben aqsha alýy zań talaptaryn buzý bolyp esepteledi. Mekeme (meıramhana, dámhana jáne t.b.) qyzmet kórsetý úshin qosymsha júktemeni ala almaıdy. Kafeler men meıramhanalarda tutynýshylarǵa daıashy qyzmetin kórsetý osy sanattaǵy qoǵamdyq tamaqtaný obektileriniń mindetti sharty bolyp tabylady. Qazaqstan Respýblıkasy saýda jáne ıntegrasıa mınıstrligi Tutynýshylardyń quqyqtaryn qorǵaý komıtetiniń 2013 jylǵy №30389 memlekettik standartyna sáıkes, qoǵamdyq tamaqtandyrý oryndary zańdy mekeme bolǵandyqtan, daıashylardyń aılyǵy mekeme qyzmetiniń ishinde qosýly bolýy tıis. Demek, olardyń sizden 10 paıyz ústeme alýy zańsyz jáne tutynýshynyń zańdy quqyǵyn buzý bolyp esepteledi.