Álem ádebıetine engen tuńǵysh qazaq. Alash qaıratkerleriniń sońǵy tuıaǵynyń biri. Abaıtanýdyń basy. Ulylardyń sońy. Ol kim dersiz... Árıne, Muhtar Áýezov!
Uly qalamger, jazýshy-dramatýrg Muhtar Áýezovtiń týǵanyna 125 jyl toldy. Búginde elimizdiń bar óńirinde kánigi sóz zergeriniń mereıtoıyna oraı túrli mádenı, ádebı, ǵylymı is-sharalar ótip jatyr. Áýezovtaný salasy taǵy da qazynaǵa toldy.
Muhtar Áýezovtiń oı-oramdarynan:
«Kúshińe senbe, adal isińe sen»
Adamnyń qaı minezi qasıetti bolsa, sol minezi mini de bolady.
Teatr – symbatty ónerdiń ishindegi eń zor ónerdiń biri.
Ul tárbıeleı otyryp, halyqty tárbıeleımiz, qyz tárbıeleı otyryp, ultty tárbıeleımiz.
Kimde-kim qazirgi ýaqytta ana tilin, óziniń ádebıetin syılamasa, baǵalamasa, ony saýatty, mádenıetti adam dep sanaýǵa bolmaıdy.
Dos tappaǵan er azar, basshy baqpaǵan el azar.
Jaýyzǵa aıtqan jaqsy sóz – sýǵa jazǵan sertpen teń.
Jaza baspas qadam joq, jańylmaıtyn adam joq.
Ekkeniń tiken bolsa, orǵanyń balaýsa bolmas.
Tamyr boldyń – aıtys joq, qoldan berdiń – qaıtys joq.
Arqada jyl jaqsy bolsa, arqar aýyp nesi bar?!
Týmaı jatyp toldym deme, tolmaı jatyp boldym deme.
Qaı istiń bolsyn ónýine úsh shart bar: eń áýeli nıet kerek, odan soń kúsh kerek, odan keıin tártip kerek.
Azamat syny – erlik, erlik syny – eldik.
Adam kórki – aqyl.
Jigitti jyly sóz shıratpaıdy, qatty syn shıratady.
Oı da kóp, ýaıym da kóp – oılaı berseń, Oı da joq, ýaıym da joq – oınaı berseń.
Bóriniń artynan bóltirik aqyldy bolǵandyqtan ermeıdi.
Bilim – baqtyń jibermeıtin qazyǵy, Bilimsiz baq – áldekimniń azyǵy.
Tas úgitilip qumǵa aınalady, temir tozady, urpaq ozady, dúnıede ólmeıtin sóz ǵana, halqymyzben birge jasasyp kele jatqan mura sózimizdi arzandatyp almaıyq.
Jalǵan namys – qasıet emes, ar saqtaǵan – qasıet.
Berekeni kókten tileme, etken eńbekten tile.
Eńbek shyqqan jerden tózim de shyǵady.
Halyq pen halyqty, adam men adamdy teńestiretin nárse – bilim.
Adamshylyqty tez júrgizý úshin kóp oı kerek, oılaý úshin oqý kerek.
Ar jazasy – bar jazadan aýyr jaza.
Jaýǵa jalynba, dosqa tarylma.