Bul sharaǵa halyqaralyq baıqaýlardyń laýreattary qatysty.
Almaty qalasyndaǵy «Alataý» dástúrli óner teatrynda aqparattyq-nasıhattaý tobynyń jumysy aıasynda Ulttyq ulan Án-bı ansambliniń ártisteri gala-konsert ótkizdi, dep habarlaıdy Almaty-akshamy.kz Egemen.kz silteme jasap.
Merekelik konsertte halyqaralyq baıqaýlardyń laýreattary men basqa da talanttar ansámbl bastyǵy, aǵa leıtenant Alpamys Asylbektiń jetekshiligimen qazaqstandyq kompozıtorlardyń patrıottyq taqyryptaǵy ánderin, soǵys jyldaryndaǵy kompozısıalardy, sondaı-aq halyq shyǵarmalary men kúılerin oryndady.
Aǵa leıtenant Alpamys Asylbektiń basshylyǵymen shyǵarmashylyq ujymnyń mýzykanttary solıserge kásibı túrde súıemeldedi.
Konsert kórermenderine Ulttyq ulan Qurmetti qaraýyl rotasy jaýyngerleriniń orkestrdiń oryndaýyndaǵy «Adaı» áni men «qarý-jaraqpen defıle» kórsetilimi unady.
Sondaı-aq ulandyqtardyń «Dombyra ańyzy», «Pobednaıa pláska», «Bozaıǵyr» atty áserli bıleri, patrıottyq jáne urpaqtar sabaqtastyǵy rýhyna toly maıdan jáne áskerı ánder shyrqaldy.
Elordalyq brıgadanyń merzimdi qyzmet áskerı qyzmetshileri Ulttyq ulan týraly jazǵan avtorlyq án kórermenderdiń kózaıymyna aınaldy.
Gala-konsert barlyq qatysýshylar men ansámbl ujymynyń oryndaýynda Ulttyq ulannyń «Eldiń qorǵany» ánuranyn oryndaý dástúrimen aıaqtaldy.
Konsert uıymdastyrýshylary teatr foıesinde Ulttyq ulan áskeriniń qyzmetine arnalǵan foto-beıne jáne baspa ónimderin de kórsetti.
Shara sońynda Ulttyq ulan Bas qolbasshysynyń tárbıe jáne áleýmettik-quqyqtyq jumystar jónindegi orynbasary, Halyq qaharmany, polkovnık Qaırat Úmbetov Almaty qalasynyń ákimine ózara is-qımyl jáne úlken konsert zalynda óner kórsetý múmkindigi úshin alǵys aıtyp, «Quqyq tártibi áskerlerine 30 jyl» mereıtoılyq tósbelgisin tabys etti.
Shahardyń qoǵamdyq damý basqarmasynyń bastyǵy Aıdar Esenbekov Almaty qalasy ákiminiń atynan áskerı ansámblge alǵysyn bildirip, estelik syılyqtar men alǵys hattardy tabys etti.
