Jastardyń zańdardy, óz quqyǵyn bilýi, sol arqyly óziniń de, jaqyndarynyń da qaýipsizdigin qamtamasyz ete alýy mańyzdy.
Almaty tehnologıa jáne florıstıka kolejiniń tárbıe bólimi basshysy Janar Ahmedjanovanyń uıymdastyrýmen «Zań jáne biz» degen taqyrypta tanymdyq is-shara ótti, dep habarlaıdy aqshamnews.kz.
Oǵan Almaty qalasy Qylmystyq-atqarý júıesi departamentine qarasy №11 mekemeniń qyzmetkerleri – rejım jáne kúzet bóliminiń baqylaýshysy ádilet serjanty Azamat Moldabek jáne Jeńisqan Erkegúl qatysty. Kezdesý barysynda balalar kolonıasynyń qyzmetkerler jetkinshekterge zańdar, olardyń artyqshylyqtary, qoǵamdaǵy orny týraly aıtty. Stýdentter qoıǵan suraqtarǵa jaýap berdi.
– Kezdesýdiń maqsaty – jas urpaqqa quqyqtyq jaýapkershiliktiń mańyzdylyǵyn nasıhattaý. Sondaı-aq, quqyqtyq tárbıe týraly tarqatyp, kámeletke tolmaǵandar arasynda zań uǵymdaryn nasıhattaı otyryp, bilimin jetildirý, jasóspirimderdiń jamandyqqa urynyp qalmaı, qaýipsiz ortany ózderi de qalyptastyra alatynyn túsindirý. Bul kezdesýden biz jastardyń sanasy sergek, oıly, zerek ekenin baıqadyq. Al biz óz kezegimizde olarǵa únemi qoldaý kórsetýge daıyn ekendigimizdi bildirdik, – deıdi №11 mekemeniń ókili Erkegúl Jeńisqan.