Almatyda 3 kúnde zańdy ókilderinsiz kóshe kezgen 27 jasóspirim esepke qoıyldy. Bul týraly qalalyq Polısıa departamenti málám ettá, dep habarlaıdy aqshamnews.kz.
Aǵymdaǵy jyldyń 10 aıynda túngi reıdterdiń arqasynda 18 myńnan astam ákimshilik quqyq buzýshylyq anyqtaldy. Jalpy, 2024 jyldyń basynan beri tórt júzden astam jasóspirim polısıa esebinde tur.
«Baqylaýsyz júrgen jetkinshekter qarashanyń 26-sy men 28-i aralyǵynda ótken jedel profılaktıkalyq is-shara aıasynda anyqtalǵan. Sondaı-aq, reıd jumystary kezinde perzentiniń tárbıesine kóńil bólmegen 23 ata-ana da esepke alynypty. Jalpy bul naýqannyń negizgi maqsaty – jasóspirimder arasynda qylmystyń jolyn kesip, quqyqbuzýshylyqtyń aldyn alý», - deıdi tártip saqshylary.
Reıd barysynda túngi ýaqytta zańdy ókilsiz turǵyn úıden tys jerde júretin jasóspirimderdi anyqtap, olardy zańdy ókilderine tapsyramyz. Alkogoldik ishimdikterdi paıdalanýdy aldyn alý is-sharasyn ótkizip, sondaı faktilerdi anyqtap, ózimizdiń tarapymyzdan shara qoldandyq. Esepte turatyn jasóspirimder men qolaısyz otbasylardyń turǵylyqty meken jaılary boıynsha tekserý jumystaryn ótkizip, júıeli túrde profılaktıkalyq áńgime ótkizemiz, - dep Polısıa departamentiniń asa mańyzdy tapsyrmalar jónindegi aǵa ınspektory Venera Sısenova habarlady.
Aıta keteıik, jyl basynan beri dál osyndaı 7 jedel aldyn alý is-sharasy uıymdastyrylǵan. Nátıjesinde 418 jasóspirim men 559 áleýmettik az qamtylǵan otbasy esepke alynypty.