Ushaqta jolaýshylardy tamaqtandyrýdy uıymdastyrýǵa túrli faktorlar áser etedi eken, - dep habarlaıdy Almaty-akshamy.kz TravelRambler-ge silteme jasap.
Tasymaldaýshylar tamaqty usyna ma, joq pa, usynsa qansha mólsherde ekenin ózderi sheshedi. Tamaqtandyrý bılet qunyna kirýi múmkin nemese bólek tólenedi. Al ekonom sanattaǵy keı reısterde ondaı múlde joq.
Nege olaı? Bıznes sanatta jolaýshylardy únemi tamaqtandyrady, ádette ol meırmahanalar deńgeıinde ázirlengen taǵamdar. Al ekonom sanatta jolaýshylardy tamaqtandyrýǵa túrli faktor áser etedi: joldyń uzaqtyǵy, bılet quny jáne naqty bir áýe kompanıasynyń erejeleri.
Eger saparyńyz bir saǵattaı ǵana bolsa, jolaýshylarǵa tek sýsyn usynady. Eger 1-3 saǵattaı ushsańyz - tiske basar ǵana beredi. 3-6 saǵattyq saparda ystyq tamaq beriledi, 6-8 saǵat - tolyqqandy tańǵy as, túski nemese keshki as jáne tiske basar jeńil tamaqtar, 8 saǵattan assa - ystyq tamaq eki ret beriledi.
Astyń qandaı bolatynyn áýe kompnaıalary ózderi sheshedi, buǵan qatysty ortaq ereje joq. Al loýkosterlerde múlde tamaq berilmeýi múmkin.
Sonymen qosa, tasymaldaýshy jolaýshylardy tamaqtandyrmasa, bul zańnamany buzý emes. Bortta as usyný básekelestik zamandaǵy basymdyq alý joly, alaıda keıingi jyldary kóptegen áýe kompanıalar únemdik úshin jolaýshylardy tamaqtandyrýdan bas tartýda. Máselen, American Airlines birinshi sanattaǵy ár jolaýshynyń taǵamyna bir ǵana záıtún qospaý arqyly 40 myń dollar únemdegen.
Sizdi bortta tamaqtandyra ma, joq pa qalaı bilýge bolady? Ádette bılet qunyna tamaqtandyrý kirse, ol arnaıy sımvol nemese áriptermen belgilenedi: V – tańǵy as, L nemese D – túski ystyq as, S – tiske basarlar, al H – birneshe ret tamaqtandyrý.