İs-sharaǵa kitaphana oqyrmandary, zaǵıp jandar, mektep oqýshylary qatysty.
Nur-Sultan qalasynyń «Ortalyqtandyrylǵan kitaphanalar júıesi» KMM Kózi kórmeıtin jáne nashar kóretin azamattarǵa arnalǵan arnaıy kitaphanasy Tolqyn Qabylshanyń «Osy bir sát unaıdy» aýdıokitabynyń tusaýkeserin ótkizdi, dep habarlaıdy Almaty-akshamy.kz elorda ákimdiginiń resmı saıtyna silteme jasap.
Bul is-shara – kitaphananyń «Dybystandyrylǵan álem» jobasy aıasyndaǵy zaǵıp jandarǵa arnalǵan kitaptardy dybystaý jumysynyń nátıjesi.
«Elordanyń tórinde arnaıy kitaphanada mazmundy shara ótti. Bul jıyn sondaı bir júrekke jyly, erekshe áser qaldyrdy. Sebebi mundaǵy oqyrmandar kóz janary nashar kórgenmen júregi jyrǵa qumar, qazaqtyń poezıasyna sonshalyqty yntyzar. Búgin dúnıege kelip jatqan aýdıo jyr kitaby janarynan aırylǵan oqyrmandar úshin aqyndyq álemge boı uratyn syı dep bilemin. Munda ómirdi erekshe súıetin, júregi názik jandar bar. Osyndaı jandar barda álemde meıirim, mahabbat máńgilik bolmaq», - dedi Qazaqstan Jazýshylar odaǵynyń múshesi Tolqyn Qabylsha.
Tusaýkeser – poezıalyq óleń keshi, oqyrman men avtor arasyndaǵy dıalog, avtor qoltańbasy foto-sessıasy jáne arnaıy kelgen zıaly qaýym ókilderiniń oı-pikirimen almasý, pikirtalas formatynda ótti.