Taǵy 1 aı merzimge uzartyldy.
Qaırat Satybaldy men Qaırat Boranbaevty tutqynda ustaý merzimi uzartyldy, dep habarlaıdy Almaty-akshamy.kz QazAqparatqa silteme jasap.
Nur-Sultan qalalyq mamandandyrylǵan aýdanaralyq tergeý soty 12 mamyr kúni kúdikti Qaırat Satybaldyǵa qatysty tutqynda ustaý túrinde sanksıalanǵan bultartpaý is-sharasynyń merzimin taǵy 1 aı merzimge uzartty.
Sondaı-aq dál osy tergeý soty kúdikti Qaırat Boranbaevqa da qatysty tutqynda ustaý túrinde sanksıalanǵan bultartpaý is-sharasynyń merzimin taǵy 1 aı merzimge uzartylǵanyn jarıa etti.
Budan buryn habarlanǵandaı, Sybaılas jemqorlyqqa qarsy qyzmet laýazymdyq ókilettikterin asyra paıdalaný jáne «Qazaqtelekom» AQ-nyń qarajatyn asa iri kólemde urlaý faktileri boıynsha qylmystyq isti tergeýde.
Atalǵan qylmystardy jasady degen kúdikpen Qaırat Satybaldyuly ustalyp, ýaqytsha ustaý ızolátoryna qamaldy.
Qarjylyq monıtorıń agenttigi kvazımemlekettik sektorda asa iri kólemde qarajat jymqyrý faktisi boıynsha qylmystyq isti tergep jatyr. Kúdikke ilingen Q.Boranbaev ýaqytsha ustaý ızolátoryna qamalǵan bolatyn.