Bıylǵy jyl erekshe ystyq bolyp tur. Aptapta kóz shyrymyn alýdyń ózi qıynǵa soǵady. Tipti, uıyqtaı almaı áýrege salynatynyńyzda belgili. Endeshe, osyndaı ystyqta salqyndatqysh bolmaǵan jaǵdaıda qalaı uıqy qandyrýǵa bolady? Mamandar birneshe usynystarmen bólisedi, dep habarlaıdy almaty-akshamy.kz.
Birinshi jáne eń ońaı ádis, eger kondısıoner bolmasa, terezelerdi ashyp, jan-jaqtan soǵatyn jel tıetin jerdi tańdaý kerek. Onan keıin sýdy kóp ishý usynylady. Uıyqtar aldynda sýyq dýsh qabyldaýǵa bolmaıdy. Bul kerisinshe uıqyńyzdy ashyp, dene temperatýrasynyń joǵarylaýyn týdyrady.
Ystyqta kóńil-kúıińizdi kóterý úshin kez kelgen oramaldy sýyq sýmen dymqyldap, ony moıynyńyzdy, mańdaıyńyzdy nemese deneńizdi súrtińiz.
Ystyqpen kúresýdiń basqa joldary bar: juqa maqta shulyqtaryn alyp, kez kelgen paketke orap, muzdatqyshqa salyp qoıyńyz. Tósekke jatyr aldynda ony kıip alsańyz, janyńyz jaı tabary sózsiz. Taǵy da bir el biletin ádistiń biri - tósek jabynyn sýyq sýǵa batyrý. Sodan keıin olardy muqıat syǵyp, tósekke jaıyp qoıasyzda jatasyz.
Sonymen qatar, uıyqtaıtyn bólmelerińizdiń de ornalasýy mańyzdy – birinshi qabatta nemese edende uıyqtaǵan ońtaıly. Tómendegi aýa joǵarydan sál salqyn. Eskeretin taǵy bir jaıt, túnde maıly jáne aýyr taǵamdardy jeýge bolmaıdy. Aqýyzdyń kóp mólsheri metabolızm jyldamdyǵyn arttyrady, bul sizdiń deneńizdiń qyzýyna alyp keledi.