Ystanbulda jáne Túrkıanyń birqatar óńirlerinde qalyń qar jaýdy, dep habarlaıdy Almaty-akshamy.kz QazAqparatqa silteme jasap.
Ystanbulda jeke jáne memlekettik mektepterde sabaq bolmaıdy, jergilikti turǵyndarǵa jeke kólik aıdaýdan bas tartýǵa keńes berildi. Aıaǵy aýyr áıelder men múmkindigi shekteýli jandarǵa demalys jarıalandy.
Demalys kúnderi de qar jaýady, osyǵan baılanysty Turkish Airlines áýe kompanıasy senbige josparlanǵan 100-ge jýyq reısti keıinge shegerdi.
Ótken aptada qolaısyz aýa raıyna baılanysty Ystanbulda Turkish Airlines pen Pegasus kompanıalary 200-den asa reısin toqtatqan edi.
Jergilikti meteorologıalyq qyzmetterdiń boljaýynsha, osy joly jaýatyn qar ótken aptaǵa qaraǵanda qalyń bolmaq.