«Qazgıdromet» RMK taýda kóshkin júrýi yqtımal ekendigin eskertti, dep habarlaıdy Almaty-akshamy.kz
«Úlken jáne Kishi Almaty ózenderiniń baseınderinde jaýyn-shashynnyń kútilýine jáne qar jamylǵysynyń turaqsyz jaǵdaıyna baılanysty 19-24 naýryz aralyǵynda qar kóshkini qaýpi saqtalady», – dep habarlady «Qazgıdromet» respýblıkalyq memlekettik kásiporny.
Sınoptıkter qar kóshkini júrý yqtımaldyǵyna baılanysty qarly betkeılerge shyǵýǵa bolmaıtyndyǵyn aıtady.
Sonymen qatar mamandar turǵyndarǵa taýda abaı bolý jóninde keńes berdi.
«Qazgıdromet» RMK boljamyna sáıkes, ońtústik astanada demalys kúnderi aýa raıy qubylmaly bolady, túnde jáne tańerteń jańbyr jaýyp, aýa temperatýrasy 3-ten 5 gradýsqa deıin ózgeredi.