Altaıdan kóshken qazaqtardyń Túrkıaǵa qonys aýdarǵanyna 70 jyl.
Osyǵan oraı Ystambul qalasynda Dúnıejúzi qazaqtary qaýymdastyǵynyń ókildigi ashyldy, dep habarlaıdy Almaty-akshamy.kz.
Qoǵamdyq uıymnyń Túrkıadaǵy ókili bolyp dıplomat, ári ardager jýrnalıs Erjan Ýáıis taǵaıyndaldy. Halyqaralyq uıymnyń ofısi qazaqtar kóp shoǵyrlanǵan Zeıtinburny aýdanynda ornalasqan. Ókildiktiń ashylý saltanatyna Qazaqstannan kelgen qonaqtarmen qatar, Túrkıada turatyn qazaqtar, Ystambul máslıhatynyń depýtattary, Zeıtinburny aýdanynyń basshylary sıaqty laýazymdy tulǵalar qatysty.
Dúnıejúzi qazaqtarynyń Túrkıadaǵy ókildigi, qandastardyń túrli máselesin sheshýge at salysyp qana qoımaı, eki el arasyndaǵy baılanystardyń nyǵaıýyna da yqpal etpek.
«Qaýymdastyqtyń negizgi maqsaty dúnıege tarydaı shashylǵan qazaqtyń basyn birktirý. Birneshe memlekette bar ýákildik. Sonyń biri mine Túrkıa elinde ashylyp jatyr. Bul úlken qýanyshty nárse. Biz bir atanyń balalarymyz, bir urpaqpyz, tilimiz de bir, dinimiz de bir, ádet-ǵuryp salt-dástúrimiz de bir. Sony ári qaraı birlikte jalǵastyrýymyz kerek. Bul búgingi urpaq úshin mańyzdy», - dedi Dúnıejúzi qazaqtary qaýymdastyǵynyń Túrkıadaǵy ókili Erjan Ýáıis.