Bul týraly Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın málimdedi.
Ol qoldanýshylar men kontent jasaıtyndarǵa jańa múmkindikter ashady, dep habarlaıdy Almaty-akshamy.kz
«Súıinshi jańalyq! Ótken jyldyń naýryzynda Kremnıı alqabyna jumys sapary barysynda men Youtube ónimderin basqarý jónindegi vıse-prezıdent Adam Smıtpen kezdesip, servıstiń Qazaqstanda iske qosylýyn talqylaǵan edim. Al búgin sizdermen keremet jańalyqpen bóliskim keledi. Qoldanýshylar men kontent jasaıtyndarǵa jańa múmkindikter ashatyn YouTube Premium endi Qazaqstanda. Bul oqıǵa – eldiń sıfrlyq ınfraqurylymyn damytý men ony jahandyq jelige biriktirýde jasaǵan eleýli qadam», dep jazdy Baǵdat Mýsın Telegram arnasynda.
Onyń aıtýynsha, basqa qyzmettermen qatar YouTube Premium-di qoldaný beıne men mýzykalyq mazmunǵa jarnamasyz sheksiz qoljetimdilikti, beınematerıaldardy oflaın rejımde kórý úshin ony júkteý múmkindigin jáne basqa qosymshalardy qatar qoldaný kezinde ony fondyq rejımde de tyńdaý múmkindigin qamtamasyz etedi.
Sonymen qatar, mınıstr qazir sıfrlyq ekonomıkany damytý men Qazaqstandaǵy jergilikti kontent-jasaýshylardy qoldaý múmkindikteri kún tártibinde ekenin atap ótti.