№ 58 avtobýs 77 jastaǵy qarıany qaǵyp ketip, mert qyldy.
Jol apaty Dosmuhamedov pen Sháripov kósheleriniń qıylysynda boldy, dep habarlaıdy Almaty-akshamy.kz.
Qalaishilik avtobýs Maqataev kóshesimen shyǵys baǵytta kele jatqan. Júrgizýshilerdiń aıtýynsha, qarıa kútpegen jerden jolǵa júgirip shyqqan.
Júrgizýshi qansha qashýǵa tyrysqanymen de áıel adamdy qaǵyp ketken. Avtobýs jaıaý júrginshilerge arnalǵan trotýarǵa shyǵyp kete jazdap, jasyl shópti basqan.
Saldarynan avtobýstyń astyna túsken egde áıel alǵan jaraqattarynan dárigerler kelgenge deıin oqıǵa ornynda kóz jumdy. Oqıǵa ornyna polısıa qyzmetkerleri men Almatynyń qutqarý qyzmeti keldi. Qazir krımınalıser oqıǵanyń barlyq mán-jaılaryn anyqtaý ústinde.
Polısıa jan tapsyrǵan adamnyń 1947 jylǵy áıel ekenin naqtylady.