100 myń teńgeniń taýaryn 5 myń teńgege usynǵan
Mańǵystaýlyq satýshydan 62 mıllıon teńgege ydys-aıaq alamyn dep aldanyp qalǵan kópshilikten maza ketti, dep habarlaıdy Almaty-akshamy.kz Inbusiness.kz-ke silteme jasap.
Oral qalasynyń turǵyny Danagúl Bekesovanyń aıtýynsha, mańǵystaýlyq áıel Whatsapp messendjerinen top quryp, ydys-aıaq pen tehnıkany saýdalaǵan. Al Danagúl bolsa, sol toptaǵy túrli taýardy óz tanystaryna usynyp, 2021 jyldan beri 62 mıllıon teńgege tapsyrys beripti. Jábirlenýshiniń sózinshe, baǵaly ydys-aıaq pen tehnıkalar arzan baǵada Qytaı elinen jetkiziletinin aıtyp sendirgen. Biraq áli kúnge deıin birde bir taýar joq.
"Arzan taýarlar edi. Sony satý úshin tapsyrys berýshilerdi óz tobyma jınadym. 100 myń teńgeniń taýaryn 5 myń teńgege usyndy. Sondaı zattardy 300-500 danadan tapsyrys berdik. Meniń jınaǵan tapsyrysym az soma emes, 62 mıllıon teńge. Al meniń artymda biraz adam tur. Olardyń ishinde ózime qol jumsaımyn dep jatqandar da bar. Bizden tapsyrys qabyldaǵan Nurgúl degen áıel ýádemen toıdyryp kele jatqanyna da bir jyl boldy", - deıdi Danagúl Bekesova.
Baǵasy arzan, sapasy jaqsy taýar alamyn dep san soqqandar endi polısıaǵa aryzdanbaq.