Barlyq paıdalanylǵan qoqystardy jınaıdy
Jetisý oblysynyń ekologıalyq jaǵdaıyn jaqsartýǵa óz úlesin qosý úshin Saryózek aýylynyń turǵyny Orazbek Bekjan plasıkalyq qoqys jınaýdy qolǵa aldy, dep habarlaıdy Almaty-akshamy.kz.
Álemdik qoǵamdastyq pen ekologıalyq uıymdardyń erekshe nazaryna qaramastan, plasıkalyq lastaný qazirgi zamannyń mańyzdy problemalarynyń biri. Bul ónimniń edáýir bóligi bir ret qoldanǵannan keıin qoqysqa aınalady.
Kásipker jigit oblystyq jumyspen qamtý ortalyǵyna kelip, «Kásipkerlikti damytýdyń 2021-2025 jyldarǵa arnalǵan ulttyq jobasy» baǵdarlamasynyń ekinshi baǵytyna ótinim berip, 1 225 200 teńge kóleminde qaıtarymsyz memlekettik grantqa ıe boldy.
«Qorshaǵan ortaǵa zıandy azaıtyp, shıkizat pen jańa ónimder alý úshin plasıkti qaıtadan óńdeýimiz qajet. Ol úshin men barlyq paıdalanylǵan qoqystardy jınaımyn. Almatyda plasıkalyq bótelkeler óndiretin kásiporynmen kelisimshart jasasyp, tikeleı satýmen aınalystym. Búginde plasık bótelkelerdi óndirý (presteý) ornyna elektr qýatyn jetkizý jáne qabyldaý boıynsha kelisimshart oryndalýda», - dedi Orazbek Bekjan.