Bul múmkindik búkil álemdegi paıdalanýshylarǵa qoljetimdi bolady.
WhatsApp messendjerin ázirleýshiler paıdalanýshyǵa jiberilgen habarlamany óńdeýge múmkindik beretin jańa fýnksıanyń iske qosylǵanyn málimdedi, dep habarlaıdy Almaty-akshamy.kz.
«Endi siz jibergen habarlamańyzdaǵy qateni ońaı túzete alasyz jáne habarlama jetkizilgennen keıin qosymsha málimetterdi qosa alasyz. Ol úshin jiberilgen habarlamany basyp turyńyz, sodan keıin paıda bolǵan mázirden «Óńdeý» pármenin tańdańyz. Ondaı ózgeristi habarlamany jibergennen keıin 15 mınýt ishinde jasaýǵa bolady», - deıdi ázirleýshiler.
Óńdelgennen keıin jazba «Ózgertilgen» dep belgilenedi, biraq basqa paıdalanýshylar túzetý tarıhyn kórmeıdi.
Aldaǵy aptalarda bul múmkindik búkil álemdegi paıdalanýshylarǵa qoljetimdi bolady dep habarlandy.