Buryn WhatsApp-ta top qurǵanda oǵan ataý berý kerek bolǵan.
WABetaInfo jazǵandaı, endi onda anonım toptar qurý múmkindigi engizilip otyr, dep habarlaıdy Almaty-akshamy.kz
Tolyǵyraq aıtqanda, paıdalanýshylar jańa toptyń atyn oılastyryp úlgermese jáne tez arada chat ashýy kerek bolsa, ony anonım etip te asha alady. Degenmen mundaı toptaǵy qatysýshylardyń sany 6 adamnan aspaýy kerek. Al kádimgi WhatsApp tobynda burynǵysha 1024 adamǵa deıin bola alady.
Sonymen qatar, ortaq chattar oǵan qosylǵan paıdalanýshylar negizinde dınamıkalyq túrde atalady. Telefonda kontaktilerdi saqtaǵanyna nemese saqtamaǵanyna baılanysty toptyń ataýy ár múshe úshin túrli bolyp kórinedi. Kontaktilerin saqtamaǵan adamdarmen aty atalmaǵan topqa qosylsańyz, top ataýynda nómirińiz kórinedi.
Jańa múmkindik jaqyn dostar men otbasylarǵa kóbirek baǵyttalǵan bolýy múmkin. Bul múmkindik aldaǵy birneshe aptada búkil álem boıynsha paıdalanýshylarǵa qoljetimdi bolady.