Joldaýdy qoldaý
Qazaq tilin damytý QR memlekettik saıasatynyń áli de basym baǵyttarynyń biri bolyp otyr.
Prezıdent Qasym-Jomart Toqaev óziniń Qazaqstan halqyna arnaǵan Joldaýynda bizdiń basty ıgiligimiz elimizdiń halqy, onyń birligi men yntymaqtastyǵy ekenin atap ótti. «Jetisý kazaktary odaǵy» aımaqtyq qoǵamdyq uıymynyń tóraǵasy Vladımır Shıhotov atalǵan tezıstiń mańyzdylyǵyn túsindirdi, dep habarlaıdy Almaty-akshamy.kz.
«Prezıdent bizge, qazaqstandyqtarǵa, el halqynyń birligin nyǵaıta túsý qajettigin erekshe atap ótti. Qazaqstan halqy Assambleıasynyń múshesi retinde bul tezıstiń mańyzdylyǵyn erekshe atap ótkim keledi. Onyń máni mynada: bizdiń árqaısymyz birtutas qazaqstandyq qoǵamnyń bir bóligimiz jáne biz osyny eshqashan umytpaýymyz kerek. Biz áralýanbyz, biraq birtutaspyz», - dedi Vladımır Shıhotov.
«Jetisý kazaktary» AQU basshysy Qazaqstan halqynyń mádenıeti, qazaq, orys jáne basqa da tilderi bizdiń ortaq ıgiligimiz ekendigin aıtty.
«Prezıdent orys tiliniń resmı mártebege ıe ekendigin eske saldy jáne ony esten shyǵarmaǵan jón. Soǵan qaramastan, Memleket basshysy memlekettik til – qazaq tilin úırenýge shaqyrdy. Qazaqstan halqynyń tili, etnostardyń salt-dástúri – qazaqstandyq qoǵamdy nyǵaıtatyn ortaq mádenıetimiz», - dep atap ótti QHA múshesi.
Spıker osy qundylyqtardy negizge ala otyryp, óskeleń urpaqty tárbıeleý jolynda Prezıdent aıtqan asa mańyzdy mindetterdi júzege asyrýǵa árbir adamnyń qatysýy kerektigine senimdi.
«Memleket basshysy jastar saıasatyn damytýdyń mańyzdylyǵyn atap ótti. Jastarymyz bizdiń qoǵamnyń qundylyqtaryn sińire otyryp, olardy damytyp, nyǵaıtýlary qajet. Prezıdenttiń bıylǵy Joldaýynda ekonomıkanyń, áleýmettik jáne qoǵamdyq damýdyń mańyzdy baǵyttary qamtylǵan. Memleket basshysy mańyzdy mindetterdi sheshý úshin bizde barlyq qajetti resýrstar bar ekenin atap ótti. Biz, barlyq qazaqstandyqtar, jasymyzǵa, ultymyzǵa qaramastan, Prezıdentimiz qoıǵan mindetterdi oryndaýǵa qatysýy kerek. Tek júıeli josparly jumys qana bizge alǵa qoıylǵan maqsattarǵa qol jetkizýge múmkindik beredi», - dep túıindedi «Jańǵyrý joly» respýblıkalyq jastar qozǵalysynyń teń tóraǵasy.
Esterińizge sala keteıik, kúni keshe Parlament palatalarynyń kezekti otyrysynda QR Prezıdenti Qasym-Jomart Toqaev Qazaqstan halqyna arnalǵan jyl saıynǵy Joldaýyn jarıalady.