«Qazaqstan Prezıdenti Qasym-Jomart Toqaevtyń kezekti Joldaýynda elimizdiń áleýmettik-ekonomıkalyq damýynyń basym maqsattary aıtyldy. Memleket basshysy respýblıkany damytýdyń árbir salasy týraly egjeı-tegjeıli aıtty.
Atap aıtar bolsaq, búginde búkil álem úshin ózekti bolyp otyrǵan densaýlyq jaıyna erekshe toqtaldy. Eldegi densaýlyq saqtaý júıesin jaqsartý boıynsha birqatar tapsyrmalar berildi. Bul taqyryp, ókinishke qaraı, áli de tolyǵymen bárimiz jeńe almaı otyrǵan koronavırýs pandemıasy kezinde asa mańyzdy», - deıdi «Vaınah» etnomádenı ortalyǵynyń tóraǵasy Adam Boısaev.
Spıker Joldaýda bilim salasyn damytý men qoldaýǵa qatysty aıtylǵandardyń mańyzy zor ekendigin atap ótti. Sebebi, spıkerdiń sózinshe, búgingi oqýshylar men stýdentter – erteńgi elimizdiń bolashaǵy. «Bizdiń memleketimizdegi ómir sapasy, eldiń damýy jastardyń qandaı bilim alatynyna baılanysty»,- dep sanaıdy Adam Boısaev.
«Sonymen qatar, Prezıdent óziniń baıandamasynda eńbekaqy tólemin qaıta qaraý jáne jalaqyny ulǵaıtý syndy mańyzdy taqyrypty kóterdi. Osy arqyly Memleket basshysy azamattardyń ál-aýqatyn jaqsartýǵa nıetti ekenin bilýge bolady. Bul kóp nárseni ańǵartady.
Jalpy, Joldaýda bolashaqtyń ıgiligi úshin bizdiń memleketimizdi damytýdyń barlyq mańyzdy máseleleri aıtyldy», - deıdi «Vaınah» sheshen etnomádenı ortalyǵynyń tóraǵasy Adam Boısaev.
Adam Boısaevtyń aıtýynsha, Qazaqstan halqy Prezıdenttiń alǵa qoıǵan mindetterin oryndaýǵa beıjaı qaramaı, belsendi túrde qatysýy qajet.