Reseı Prezıdenti Vladımır Pýtın Ázerbaıjan Prezıdenti Ilham Álıevten keshirim surady, dep habarlaıdy Reseı Syrtqy ister mınıstrliginiń baspasóz qyzmeti.
Reseı tarapynyń bastamasymen Reseı Federasıasynyń Prezıdenti Vladımır Pýtın men Ázerbaıjan Respýblıkasynyń Prezıdenti Ilham Álıev arasynda telefon arqyly áńgime ótti. Vladımır Pýtın bul qaıǵyly oqıǵanyń Reseı áýe keńistiginde bolǵanyna baılanysty keshirim surap, qaza tapqandardyń otbasylaryna tereń jáne shynaıy kóńil aıtty, sondaı-aq jaraqat alǵandarǵa tez saýyǵyp ketýin tiledi.
Áńgime barysynda Aqtaýda bolǵan ushaq apatyna qatysty máseleler talqylandy.
Ázerbaıjannyń jolaýshylar ushaǵy keste boıynsha ushyp kelip, Groznyı áýejaıyna birneshe ret qonýǵa áreket jasady. Sol ýaqytta Groznyı, Mozdok jáne Vladıkavkaz qalalary ýkraınalyq ushqyshsyz ushý apparattarynyń shabýylyna ushyrady, al Reseıdiń áýe qorǵanys júıeleri bul shabýyldardy toıtarys berýge tyrysty, dep habarlady Reseı SİM.
Reseı Tergeý komıteti Qylmystyq kodekstiń 263-baby boıynsha (kólik qozǵalysy jáne áýe kóligi paıdalaný qaýipsizdigi erejelerin buzý) qylmystyq is qozǵady. Alǵashqy tergeý áreketteri júrgizilýde, azamattyq jáne áskerı mamandardan jaýap alynýda.
Ázerbaıjan Bas prokýratýrasynyń eki qyzmetkeri Groznyı qalasyna baryp, Reseı Federasıasynyń Bas prokýratýrasy jáne Tergeý komıteti ókilderimen birlesip jumys istep jatyr.
Ázerbaıjan Prezıdentiniń baspasóz qyzmeti Pýtınniń Reseı áýe keńistiginde reıske syrtqy fızıkalyq jáne tehnıkalyq áser jasalǵanyna baılanysty keshirim suraǵanyn rastady.