Qazir ol Mańǵystaý oblystyq aýrýhanasynda jatyr.
Aqtaýda ushaq apaty saldarynan aýyr jaraqat alǵan 20 jastaǵy qyrǵyzstandyq Rınat Asanov esin jıdy, dep habarlaıdy aqshamnews.kz
Qazir jas jigit Mańǵystaý oblystyq aýrýhanasynda, onda onyń taǵy eki jerlesi em alyp jatyr. Buǵan deıin Aqtaýǵa olardyń týystary, sondaı-aq Qyrǵyz Respýblıkasy Tótenshe jaǵdaılar mınıstrliginiń qutqarýshylary men medısına qyzmetkerleri barǵan.
Vedomstvonyń habarlaýynsha, olar zardap shekken Qyrǵyzstan azamattaryn jańa jylǵa deıin otanyna qaıtarýǵa bar kúsh-jigerin salady.
"Dárigerlerdiń aıtýynsha, zardap shekken qalǵan eki adamnyń jaǵdaıy turaqty, biraq olar medısınalyq baqylaýdy qajet etedi. İs-sharalar Qazaqstan men Ázerbaıjannyń Tótenshe jaǵdaılar mınıstrligimen tyǵyz baılanysta júrgizilip jatyr - Qyrǵyzstan prezıdenti Sadyr Japarovtyń jeke baqylaýynda", - dep atap ótti Qyrǵyz Respýblıkasynyń Tótenshe jaǵdaılar mınıstrligi.