Qalanyń kásipkerlerimen, turǵyndarymen kezdesti.
QR Premer-Mınıstriniń orynbasary – Saýda jáne ıntegrasıa mınıstri Serik Jumanǵarın Almaty qalasyna jumys saparymen baryp, áleýmettik mańyzy bar azyq-túlik shyǵaratyn zaýyttardyń jumysymen tanysty, dep habarlaıdy Almaty-akshamy.kz Primeminister.kz silteme jasap.
Jumys sapary barysynda Serik Jumanǵarın «Eurasian Foods Corporation» zaýytyna bardy. Bul zaýyt - Qazaqstan men Ortalyq Azıa elderindegi tamaq ónerkásibiniń iri jáne mańyzdy kásiporyndarynyń biri. Zaýyt jylyna 150 000 tonnadan astam suıyq maı óndiredi.
Búginde «Eurasian Foods Corporation» 3 myńnan astam adamdy jumyspen qamtyp otyr.
Vıse-premer jumys sapary aıasynda qalanyń kásipkerlerimen, turǵyndarymen kezdesti. Eksportqa den qoıǵandar arasynda memleketten tıisti kómek ala almaı júrmiz degender boldy. Bul máseleni sheshý maqsatynda Serik Jumanǵarın Saýda mınıstrligine qarasty «QazTrade» saýda saıasatyn damytý ortalyǵyna shara qabyldaýdy tapsyrdy.
«Eksporttaýshylardy qoldaýdyń birneshe tetigi bar. Sonyń biri - «QazTrade» saýda saıasatyn damytý ortalyǵy arqyly. Eksporttaýshylardyń shyǵyndaryn óteýge qatysty sizderde aldaǵy ýaqytta problema bolmas úshin túsindirme jumystaryn kúsheıtemiz», dedi Serik Jumanǵarın.
İs-sapar barysynda vıse-mınıstr azamattardy jeke qabyldady. Turǵyndar bazardy jańǵyrtý, zardap shekken bızneske kómek kórsetý máselelerin qozǵady.
