Atalǵan sharaǵa kez kelgen adam qatysa alady.
Almatyda 2022 jylǵy 11 qyrkúıekte qoldan jasalǵan bolıdterge arnalǵan Red Bull Soapbox Race jarysy ótedi, dep habarlaıdy Almaty-akshamy.kz Almaty.tv silteme jasap.
Atalǵan sharaǵa kez kelgen adam qatysa alady. Red Bull Soapbox Race jarysyna úsh nárse jol ashady, olar: biriligi jarasqan komanda, kórnekti bolıd, jeńiske jeteleıtin jiger. Bes adamnan turatyn komanda jınap, bolıd konstrýksıasyn qurastyryp, komandany erekshe etip tanystyrýǵa bolady. Bolıdti qurastyrý isinde qatysýshylarǵa tolyq erkindik beriledi. Tek mynany este saqtaý qajet: jarys kóligine pedal men qozǵaltqysh ornatýǵa bolmaıdy jáne salmaǵy 80 keliden, al gabarıti boıynsha – uzyndyǵy tórt, eni eki metrden aspaýy tıis. Atalǵan sharttar oryndalmasa, tehbaıqaýdan óte almaı qalý múmkin.
Basty mindet – jarys jolynan ótip, márege jetý. Tipti bolıd jarys jolynda jaısyzdyqqa ushyrasa da, eshteńege qaramaı, erik-jigerdi janyp, máre syzyǵyna deıin jetý kerek. Jeńimpazdy anyqtaıtyn úsh ólshemtarttyń biri – jyldamdyq.
Qazaqstanda joba 2017 jyly bastaldy, ol kezde Almatyda alǵashqy jarys ótti. 2019 jyly jarysýshylar qaıta jınaldy. Bıyl Red Bull Soapbox Race úshinshi ret ótedi.
İs-sharaǵa tirkeý ashyq bolyp tabylady jáne is-shara bastalǵan kúni bastalatyn aımaqta júrgiziledi. İs-sharada qaýipsizdik jedel medısınalyq járdem kólikteriniń, eriktilerdiń, TJD jáne polısıa kólikteriniń kezekshiligimen qamtamasyz etiledi. Bastapqy, máre qalashyqtardaǵy, sondaı-aq, trassadaǵy tazalyqty qala qyzmetteri qamtamasyz etedi.
Jarys Dostyq dańǵyly men Sátbaev kóshesiniń qıylysynda ótedi, saǵat 12:00-de bastalady.
Bolıd jarysynyń ótýine baılanysty 9 qyrkúıekte saǵat 22:30-dan; 12 qyrkúıekte saǵat 03:00-ge deıin kólik qozǵalysy myna jerlerde ýaqytsha toqtatylady:
- Dostyq kóshesiniń soltústik baǵytynda Sátpaev kóshesinen Abaı dańǵylyna deıin,
- ońtústik baǵytta Dostyq kóshesimen Abaı dańǵylynan Sátpaev kóshesine deıin,
- Sátbaev kóshesimen Dostyq dańǵylynan Ýálıhanov kóshesine deıin batys baǵytta.