Mádenıet jáne sport mınıstrliginiń burynǵy vıse-mınıstrine qatysty tergeý aıaqtaldy, dep habarlaıdy aqshamnews.kz
Sybaılas jemqorlyqqa qarsy qyzmet zańdylyq pen tártipti qamtamasyz etý, sondaı-aq joǵary laýazymdy tulǵalar arasyndaǵy sybaılas jemqorlyqqa tosqaýyl qoıý boıynsha jumystaryn jalǵastyrýda.
Osyǵan baılanysty, Agenttik Mádenıet jáne sport mınıstrliginiń burynǵy vıse-mınıstri Erlan Qojaǵapanov pen merdiger uıym basshylaryna qatysty tergeýdi aıaqtady. Olar qyzmettik ókilettikterin asyra paıdalanyp, 1 mlrd teńgeden astam qarajatty jymqyrdy dep aıyptalýda.
2024 jyldyń 13 jeltoqsanynda Bas Prokýratýra kúdiktilerdi sotqa berdi. Qylmystyq-prosestik kodekstiń 201-babyna sáıkes, tergeý barysy týraly qosymsha aqparat jarıalanbaıdy.
Sondaı-aq, Qazaqstan Konstıtýsıasynyń 77-baby 3-tarmaǵynyń 1-tarmaqshasyna jáne Qylmystyq-prosestik kodekstiń 19-baby 1-bóligine sáıkes, sot úkimi zańdy kúshine engenge deıin árbir adam kinásiz dep esepteledi.