Bul týraly Ekologıa, geologıa jáne tabıǵı resýrstar vıse-mınıstri Serik Qojanıazov málim etti, dep habarlaıdy almaty-akshamy.kz
Onyń aıtýynsha, konferensıada naqty oryndalmaı jatqan problemalar kóterildi.
Jalpy búgin alty baseın boıynsha jumysshy toptyń isi talqylandy. Eki eldiń ókilderi bul josparlardyń oryndalý barysy men ondaǵy negizgi máselelerdi talqylady. Qosymsha ózgerister engizilýi qajet ister qozǵaldy. Ekspertterdiń málimdemeleri tyńdaldy, - dedi ol.
Sonymen qatar vıse-mınıstr sýdyń deńgeıin kóterý maqsatynda qandaı is-sharalar qabyldanyp jatqanyn aıtty.
Jaıyq boıynsha negizgi másele - klımattyń ózgerýi. Jalpy, qardyń, jaýyn-shashynnyń azaıýy saldarynan sý deńgeıi tómendegen. Qazir Jaıyqtyń shamasy burynǵydaı emes. Búgin kórshiles eki el osy ózenniń máselesin júıeli ári shuǵyl sheshý úshin qajetti sharalardy qabyldady. Máselen, keler kóktem kezinde sý mólsheri ulǵaıady. Osy kezde problemany ekijaqty retteımiz, - dep atap ótti Serik Qojanıazov.