Elde koronavırýs taralǵaly 13 myń adam kóz jumǵan
Avstrıa astanasynda koronavırýstan qaza tapqan jandardy eske alý sharasy ótkizildi, dep habarlaıdy Almaty-akshamy.kz Habar 24-ke silteme jasap.
Venanyń ortalyǵyndaǵy kóshelerdiń birinde ótken sharaǵa 30 myńnan asa adam qatysty. Azamattar qoldaryna sham ustap, uıaly telefondarynyń jaryǵyn qosyp, birneshe mınýt únsiz turdy. Aksıa medısına qyzmetkerlerine de qoldaý kórsetý úshin uıymdastyryldy. Sebebi sońǵy aptalarda elde shekteý sharalaryna qarsy sherý beleń alǵan. Aıta keteıik, Avstrıada koronavırýs indeti taralǵaly vırýstan 13 myń adam kóz jumǵan.
«Biz bul shara arqyly koronavırýs qurbandaryn eske alýmen qatar medısına sala qyzmetkerlerine qoldaýymyzdy bildirgimiz keledi. Sebebi koronavırýsqa kúmánmen qarap, narazylyq sherýlerin ótkizip jatqandarǵa da biz ózimizdiń ustanymymyzdy kórsetýimiz qajet», - sharaǵa qatysýshy Klaýs.