Velosıped minip júrýdiń paıdasy jaıly dáriger aıtty.
Shaıtanarbaǵa otyryp alyp, onymen jeldeı esýdiń densaýlyq úshin biz bile bermeıtin paıdasy kóp eken. Bul týraly «Gemotest» zerthanasynyń sarapshysy, dáriger Ekaterına Demánovskaıa aıtty, dep habarlaıdy Almaty-akshamy.kz.
Densaýlyqqa paıdasynan bólek, shap-shaǵyn ári yńǵaıly bul kóliktiń qorshaǵan ortaǵa da esh zıany joq ekenin eske sala ketken artyq bolmas.
Demánovskaıanyń aıtýynsha, velosıpedpen júrý kezinde adam jıi jáne tereń tynys alady, bul denege kóbirek ottegi beredi. Bul ımýnıtetti nyǵaıtady, ınfeksıa qaýpin azaıtady jáne ájimderdiń paıda bolý prosesin baıaýlatatyn kollagenniń bólinýine yqpal etedi. Sondaı-aq, qosymsha ottegi este saqtaý men oılaý qabiletine jaqsy áser etedi.
Sonymen qatar, velosıpedpen júrý – bul júrek úshin taptyrmaıtyn jaqsy kardıo jattyǵýlar. Mundaı jattyǵýlardyń arqasynda júrek-qan tamyrlary júıesi jaqsarady jáne arterıalyq gıpertonıa, ateroskleroz, ınfarkt jáne ınsýlt qaýpi tómendeıdi. Velosıped tózimdilikti arttyrýǵa, maıdy eritýge jáne bulshyqetti ósirýge kómektesedi. Sondaı-aq, velosıpedpen júrý júıke júıesine jaǵymdy áser etedi jáne kóńil-kúıdi kótere alady.