Qazaqstanda veıpke nelikten tyıym salynbaı otyrǵanyn Ulttyq ekonomıka mınıstri Álibek Qýantyrov túsindirdi.
Mınıstrdiń sózinshe, atalǵan tyıym salý tetigin engizý ázirge Retteýshilik áserdi taldaý qaǵıdatyna sáıkes kelmeıdi, dep habarlaıdy Almaty-akshamy.kz
«Retteýshilik áserdi taldaý degen bar. Bul rette, bıznestiń múddesine nuqsan keltirmeý úshin tıisti zańnamalyq retteý tártibi (jańa zań jobasy, erejeler) osy prosesten ótýi kerek. Tıisti zań jobasyn ázirleıtin árbir ýákiletti organ retteýshilik áserdi taldaý prosesinen ótýi kerek. Alaıda Densaýlyq saqtaý mınıstrligi ony jarty jyldan beri ótkize almaı otyr. Biz ony qaıta pysyqtaý úshin birneshe ret qaıtardyq. Óıtkeni olar muny atalǵan taldaý prosesi erejelerine sáıkes jasamaǵan», - dep túsindirdi Qýantyrov.
Mınıstrdiń aıtýynsha, Densaýlyq saqtaý mınıstrligi bárin durys jasasa, Ekonomıka mınıstrligi tıisti qadamdy jasaýǵa daıyn.
«Óz basym veıpterge tyıym salýdy qoldaımyn», - dedi Á. Qýantyrov.
Aıta keteıik, Qazaqstanda balalardyń veıp pen basqa da elektrondy temeki shegýge qumarlyǵy artyp keledi. Eldegi balalardyń 5,8 paıyzy elektrondy temeki tartady eken.