Tájikstan astanasy Dýshanbede dzúdodan álemdik Gran-prı-2023 serıasynyń kezekti týrnıri aıaqtaldy dep habarlaıdy Almaty-akshamy.kz.
Zakon.kz. málimeti boıynsha Qazaqstan quramasynyń qorjynyna taǵy bir qola medal salyndy,
100 keliden joǵary salmaqta óner kórsetetin qazaqstandyq dzúdoshy Erasyl Qajybaev qola júldeniń ıegeri atandy. Úshinshi oryn úshin ótken beldesýde aýyr salmaqtaǵy balýanymyz Polshadan kelgen sportshy Kasper Szýrovskııdi utty.
Al osy jarystyń alǵashqy kúni taǵy bir qazaqstandyq Suńǵat Jubat (66 keli) qola júldeger atandy. Ókinishke qaraı, bul eki medal dzúdoshylarymyzǵa Gran-prıdiń úzdik komandalary arasynda úzdik úshtikke kirýge múmkindik bermedi.
Tájikstanda ótken Gran-prı kezeńiniń qorytyndysy boıynsha komandalyq esepte reseılikter jeńimpaz atandy, olar 11 medal jeńip aldy, onyń ishinde 5 altyn, 4 kúmis jáne 2 qola. Tatamı ıeleri ekinshi oryndy (3-3-1) enshilese, úzdik úshtikti Germanıa quramasy (1 altyn jáne 2 kúmis) japty.